Akcyi z nahody piacihodździa vybaraŭ 2020 hoda prajšli ŭ roznych haradach Jeŭropy FOTY

Najbolš masavyja biełaruskija akcyi tradycyjna prajšli ŭ hety dzień u Vilni i Varšavie, ale ładzilisia jany taksama i ŭ inšych krainach dy haradach, u pryvatnaści ŭ polskich Biełastoku i Urocłavie i ŭ niamieckim Bierlinie.

Padčas akcyi ŭ Biełastoku

Biełastok

Biełarusy i siabry Biełarusi ź Biełastoka 9 žniŭnia sabralisia na płoščy Kaściuški.

Jany pryjšli, kab nahadać:

• patrabavańni zastajucca niaźmiennymi;
• ludzi pamiatajuć kožnaha, chto zapłaciŭ vysokuju canu za svabodu;
• jany nie hublajuć viery ŭ budučyniu volnaj, demakratyčnaj i biełaruskaj krainy.

Hdańsk

9 žniŭnia ŭ Hdańsku adbyŭsia Dzień salidarnaści ź Biełaruśsiu. Jaho zładzili Hdańsk i Sopat, Pamorskaje vajavodskaje samakiravańnie, Jeŭrapiejski centr salidarnaści, biełaruskaje kulturnaje tavarystva «Chatka», Tavarystva biełarusaŭ Pamorja, biełaruskaja supolnaść «Hdańsk 23.34» i pravaabarončy centr «Viasna».

Udzieł u mierapryjemstvach uziaŭ taksama dypłamatyčny daradca Śviatłany Cichanoŭskaj Dzianis Kučynski.

Fota: Ofis Cichanoŭskaj

Fota: Ofis Cichanoŭskaj

Fota: Ofis Cichanoŭskaj

Fota: Ofis Cichanoŭskaj

Urocłaŭ

U centry Urocłava 9 žninia adbyŭsia tradycyjny Marš volnaj Biełarusi. Šeście pačałosia kala Nacyjanalnaha foruma muzyki (Narodowe Forum Muzyki) i prajšło da Rynka, dzie raspačałasia akcyja.

Tut vystupili pradstaŭniki biełaruskich inicyjatyŭ Urocłava, a taksama volny spartoviec Ivan Hanin. Jak i štohod, da marša i akcyi dałučylisia taksama pradstaŭniki polskaj i ŭkrainskaj supolnaściaŭ, kab vykazać padtrymku i salidarnaść.

Mnohija ŭdzielniki byli ŭ maskach hnomaŭ, zroblenych razam na majstar-kłasie napiaredadni.

«Z adnaho boku heta kreatyŭna, z druhoha — dazvalaje bolš pakłapacicca pra biaśpieku ŭdzielnikaŭ», — adznačyli arhanizatary z Supołki biełarusaŭ Urocłava.

Naprykancy dla prysutnych vystupiŭ muzyka i były palitviazień Aleś Papkovič. Jahonyja pieśni hučali jak napamin: navat u vyhnańni i niahodach možna zastavacca volnym unutry.

Bierlin

9 žniŭnia na Patsdamskaj płoščy ŭ Bierlinie biełaruskaje abjadnańnie RAZAM e.V. (Biełaruskaja supolnaść Razam), zasnavanaje 9 žniŭnia 2020 hoda, arhanizavała akcyju salidarnaści.

Udzielniki prynieśli kvietki čornaha koleru i pakłali ich kala biełaruskaha kavałka Bierlinskaj ściany, ustalavanaha ŭ 2020 hodzie, jak simvał žałoby i nadziei.

Fota: LookByMedia

Fota: LookByMedia

Fota: LookByMedia

Fota: LookByMedia

Fota: LookByMedia

Kłajpieda

U Kłajpiedzie 9 žniŭnia prajšła akcyja, na jakoj miascovyja aktyvisty raspaviadali i nahadvali miascovym žycharam i turystam z roznych krain ab tym, što biełarusy pamiatajuć, što prymusiła ich źjechać z krainy, i pa-raniejšamu imknucca da taho, kab Biełaruś stała volnaj i demakratyčnaj krainaj.

Kamientary da artykuła