U Maładziečnie na parkoŭcy kiroŭca «Leksusa» pierabłytaŭ piedali i naśmierć źbiŭ žančynu VIDEA
U Maładziečnie 9 žniŭnia adbyłosia trahičnaje DTZ, u vyniku jakoha zahinuła 31-hadovaja žančyna.
Skrynšot ź videa
Pavodle papiarednich źviestak, kiroŭca aŭtamabila Lexus, sprabujučy pryparkavacca na stajancy kala kramy na vulicy Bahdana Chmialnickaha, vierahodna, pierabłytaŭ piedali.
Mašyna rezka paskoryłasia, vyjechała na piešachodnuju darožku i źbiła žančynu, jakaja išła pa joj razam sa svaim padletkam-pasynkam i sabakam, a potym zajechała na prystupki kramy.
Miedyki prybyli vielmi chutka, ale vyratavać paciarpiełuju nie zmahli. Padletak atrymaŭ niaznačnyja traŭmy i ciapier znachodzicca pad nahladam daktaroŭ u balnicy.