У Маладзечне на паркоўцы кіроўца «Лексуса» пераблытаў педалі і насмерць збіў жанчыну ВІДЭА
У Маладзечне 9 жніўня адбылося трагічнае ДТЗ, у выніку якога загінула 31-гадовая жанчына.
Скрыншот з відэа
Паводле папярэдніх звестак, кіроўца аўтамабіля Lexus, спрабуючы прыпаркавацца на стаянцы каля крамы на вуліцы Багдана Хмяльніцкага, верагодна, пераблытаў педалі.
Машына рэзка паскорылася, выехала на пешаходную дарожку і збіла жанчыну, якая ішла па ёй разам са сваім падлеткам-пасынкам і сабакам, а потым заехала на прыступкі крамы.
Медыкі прыбылі вельмі хутка, але выратаваць пацярпелую не змаглі. Падлетак атрымаў нязначныя траўмы і цяпер знаходзіцца пад наглядам дактароў у бальніцы.