ZŠA, Ukraina i jeŭrapiejskija sajuźniki płanujuć sustrecca ŭ Vialikabrytanii pierad samitam Trampa i Pucina
Vysokapastaŭlenyja čynoŭniki z ZŠA, Ukrainy i niekalkich jeŭrapiejskich krain źbirajucca sustrecca na hetych vychodnych u Vialikabrytanii, kab pasprabavać uzhadnić pazicyi pierad sustrečaj Donalda Trampa i Uładzimira Pucina, paviedamlaje vydańnie Axios sa spasyłkaj na try infarmavanyja krynicy.
Prezident Francyi Emanuel Makron, kancler Hiermanii Frydrych Mierc i premjer-ministr Vialibratynii Kir Starmier. Fota: Ben Stansall — WPA Pool/Getty Images
Ukraina i niekalki sajuźnikaŭ pa NATA zaniepakojeny tym, što Tramp moža pahadzicca na prapanovu Pucina ab spynieńni vajny i abmienie terytoryjami z Kijevam biez uliku ich pazicyi, tłumačyć vydańnie.
Pra toje, što Pucin padčas sustrečy sa śpiecpasłańnikam Trampa Ścivam Uitkafam 6 žniŭnia daŭ zrazumieć, što hatovy pajści na pieramirje ŭzamien na terytaryjalnyja ŭstupki, raniej paviedamlała Wall Street Journal sa spasyłkaj na ŭkrainskija i jeŭrapiejskija krynicy.
Paźniej Tramp kazaŭ, što na paradku jaho budučaj sustrečy z Pucinym — abmierkavańnie «abmienu terytoryjami» pamiž Rasijaj i Ukrainaj.
Sustreča prezidentaŭ ZŠA i Rasii adbudziecca 15 žniŭnia na Alascy, datu i miesca paćvierdzili abodva baki.
Čytajcie taksama:
Donald Tramp zajaviŭ, što sustreniecca z Pucinym 15 žniŭnia na Alascy