Nacbank vypuskaje maniety «Słavianka»
Nacyjanalny bank Biełarusi paviedamiŭ, što z 11 žniŭnia ŭvodzić u abaračeńnie inviestycyjnyja maniety pad nazvaj «Słavianka».
Maniety zroblenyja z zołata najvyšejšaj proby (999,9) i buduć vypuskaťsia ŭ dvuch varyjantach:
- naminałam 50 rubloŭ, vahoj 7,78 hrama i dyjamietram 21,9 mm (tyraž — 3000 štuk);
- naminałam 100 rubloŭ, vahoj 15,55 hrama i dyjamietram 27,9 mm (taksama 3000 štuk).
Ich vyrablaje homielskaje pradpryjemstva «Kryštal-Chołdynh». Maniety majuć kruhłuju formu z reljefnym kantam i nasiečkami pa bakach.
Maniety «Słavianka» buduć mieć status zakonnaha płaciežnaha srodku — imi možna budzie raspłačvacca biez abmiežavańniaŭ. Pra dakładnuju datu źjaŭleńnia maniet u prodažy Nacbank paviedamić paźniej.
Čytajcie taksama:
Biełarus znajšoŭ manietu I stahodździa. Ci možna na joj uzbahacicca?
Na eBay pradajuć biełaruskuju manietu za 2750 dalaraŭ
Biełarus sprabavaŭ uvieźci z Polščy dziasiatki tysiač maniet
Biełaruska atrymała jak reštu niezvyčajnuju manietu, jakaja kaštuje daražej za naminał