U Pastavach žančyna vykinuła kata z akna piataha paviercha
Zaviedziena kryminalnaja sprava.
Ilustracyjnaje fota
Uviečary 16 lipienia minaki ŭbačyli, jak žančyna skinuła kata z akna kvatery na piatym paviersie, i paviedamili pra heta ŭ milicyi, paviedamlaje Śledčy kamitet.
Chatniaja žyvioła zahinuła. Na dopycie žančyna patłumačyła pryčynu ahresii: kot jaje padrapaŭ.
«Ustanoŭlena, što na praciahu ŭsiaho dnia 58-hadovaja miascovaja žycharka raśpivała śpirtnoje doma. Uviečary jana pasprabavała prahnać svajho kata z padakońnika, adnak toj padrapaŭ jaje. Razzłavaŭšysia, piensijanierka vykinuła chatniaha hadavanca z akna», — havorycca ŭ paviedamleńni SK.
Kryminalnaja sprava zaviedziena pa č.1 art. 339¹ (žorstkaje abychodžańnie z žyviołaj, jakoje paciahnuła jaje hibiel) Kryminalnaha kodeksa, što karajecca štrafam, hramadskimi pracami, vypraŭlenčymi pracami abo navat aryštam.