«Ja chaču jamu ich u tvar kinuć». Siarhiej Cichanoŭski paviedamiŭ, što Śviatłana kazała pra hrošy ad Łukašenki
Siarhiej Cichanoŭski ŭ efiry telekanała «Biełsat» adkazaŭ na pytańni adnosna hrošaj, jakija ŭłady Biełarusi dali jahonaj žoncy Śviatłanie pierad tym, jak vyvieźci jaje ź Biełarusi. Upieršyniu pra hetyja hrošy ŭ 2020 hodzie kazaŭ sam Alaksandr Łukašenka.
Siarhiej Cichanoŭski i Śviatłana Cichanoŭskaja na mitynhu ŭ Vilni 28 červienia 2025 hoda
«Ja tak zrazumieŭ, što dla jaje heta surjoznaja traŭma ŭsio, što adbyłosia ŭ toj dzień. Jana sa mnoj navat pra heta nie havaryła. Ale ja spytaŭ u jaje, Łukašenka mnie kazaŭ pra hrošy niejkija. Ja ŭ pieršyja dni adrazu zadaŭ joj hetaje pytańnie: a čamu ty ich nie traciš? Jana skazała: «Ja chaču pryjechać, viarnucca i ŭ tvar jamu hetyja hrošy kinuć», — pieradaŭ Siarhiej Cichanoŭski słovy svajoj žonki.
Cichanoŭski adznačyŭ, što pieradača hrošaj Śviatłanie Cichanoŭskaj pavodle biełaruskaha zakanadaŭstva maje rasceńvacca jak finansavańnie «ekstremisckaj dziejnaści», ale nichto ŭ Biełarusi hetaha nie rasśleduje, choć ludziej za samyja drobnyja danaty sudziać.
Cichanoŭski nazvaŭ taksama śmiešnymi zajavy pra toje, što Pavieł Łatuška nibyta chacieŭ padpalić budynak z demakratyčnymi siłami. Na jaho dumku, palityka prosta pryznačyli «kazłom adpuščeńnia».
Čytajcie taksama:
«Byŭ prosta vałancioram». Što viadoma pra načalnika achovy štaba Babaryki, jakoha pakazali pa ANT