7 vieraśnia biełarusy zmohuć nazirać «kryvavy» Miesiac

7 vieraśnia žychary Biełarusi zmohuć nazirać niezvyčajnuju źjavu — Miesiac stanie čyrvonym, ci, jak heta jašče nazyvajuć, «kryvavym». Heta adbudziecca padčas poŭnaha miesiačnaha zaćmieńnia.

Zdymak ilustracyjny. Fota: Global look press

Zaćmieńnie budzie bačnaje nie tolki ŭ našym rehijonie, ale i va ŭsioj Jeŭropie, Azii, Afrycy, Aŭstralii, Akijanii i navat u Antarktydzie.

U momant poŭni Miesiac apyniecca ŭ ciani Ziamli i źmienić svoj koler na čyrvanavaty. Heta adbyvajecca tolki padčas poŭnaha zaćmieńnia, kali soniečnaje śviatło, prachodziačy praź ziamnuju atmaśfieru, farbuje Miesiac u roznyja adcieńni — ad ciomna-karyčnievaha da śvietła-čyrvonaha.

Zaćmieńnie budzie doŭžycca z 18:28 da 23:55, a najbolš cikavaja častka — kali Miesiac całkam schavany ŭ ziamnym cieniu — prypadzie na pramiežak z 20:31 da 21:53. Maksimalnaja faza zaćmieńnia adbudziecca ŭ 21:12.

Kamientary da artykuła