Kiroŭcaŭ i kantraloraŭ minskaha hramadskaha transpartu asnaścili tryvožnymi knopkami
Dla apieratyŭnaha spynieńnia parušeńniaŭ hramadskaha paradku kiroŭcaŭ i kantraloraŭ vyrašyli zabiaśpiečyć «tryvožnymi knopkami»: pry jaje naciskańni aŭtamatyčna pryjazdžaje milicyja.
Fota: Minsk-hałoŭnaje
U «Minsktransie» zajavili, što «tryvožnyja knopki» ŭžo ŭstalavanyja i pracujuć napoŭnicu. U aŭtobusach, tralejbusach i tramvajach jany znachodziacca ŭ kabinie kiroŭcy, a ŭ kantraloraŭ — u smartfonach. Takuju nieabchodnaść na pradpryjemstvie patłumačyli «harantavańniem biaśpieki žyćcia i zdaroŭja pasažyraŭ u transparcie».
«Padstavaj dla vykliku naradu milicyi źjaŭlajecca ździajśnieńnie hramadzianami administracyjnych pravaparušeńniaŭ i złačynstvaŭ, a taksama roznaha rodu zdareńni», — udakładnili ŭ pres-słužbie «Minsktransa»
Što tyčycca kantraloraŭ, to pryčynaj dla vykliku naradu moža stać «sproba źbiehčy ź miesca viadzieńnia administracyjnaha pracesu».