Bieły dom: Sustreču Trampa i Pucina prapanavaŭ rasijski bok
Tramp skazaŭ, što padčas sustrečy śpiecpasłańnika Uitkafa z prezidentam Pucinym u Maskvie byŭ dasiahnuty vialiki prahres.
Kerałajn Livit. Fota: Win McNamee/Getty Images
U Biełym domie zajavili, što inicyjatyva nakont praviadzieńnia sustrečy pamiž prezidentami ZŠA i Rasii padčas sustrečy śpiecpasłańnika Styva Uitkafa ŭ Maskvie pachodziła ad rasijskaha boku. Pra heta zajaviła pres-sakratarai Biełaha doma Keralin Livit, piša «Ukrinfarm».
Jak zajaviŭ u sieradu prezident Tramp u Truth Social, padčas sustrečy śpiecpasłańnika Uitkafa z prezidentam Pucinym byŭ dasiahnuty vialiki prahres.
Rasijanie vykazali žadańnie sustrecca z prezidentam Trampam, i prezident adkryty da sustrečy jak z prezidentam Pucinym, tak i z prezidentam Zialenskim».
Pres-sakratarka Biełaha doma taksama padkreśliła, što Tramp imkniecca da zaviaršeńnia hetaj vajny.
Adnačasova jana nie ŭdakładniła, čyja heta była inicyjatyva — pravieści sumiesnuju sustreču prezidentaŭ ZŠA, Ukrainy i Rasii paśla mahčymych pieramovaŭ Trampa i Pucina.