Zialenski raskazaŭ, jak vajna paŭpłyvała na jaho zdaroŭje

Prezident Ukrainy ŭsio čaściej źjaŭlajecca na ludziach u akularach.

Prezident Ukrainy Uładzimir Zialenski, 5 žniŭnia 2025. Fota z telehram-kanała prezidenta 

Prezident Ukrainy ŭsio čaściej źjaŭlajecca na ludziach u akularach. Tak, u akularach jon pravioŭ i hutarku z prezidentam ZŠA Donaldam Trampam 5 žniŭnia (na fota).

Raniej Uładzimir Zialenski paviedamlaŭ, što vajna paŭpłyvała na jaho zdaroŭje. U pryvatnaści, kiraŭnik ukrainskaj dziaržavy raskazvaŭ, što ŭ jaho pahoršaŭ zrok. Pra heta ŭkrainski lidar raskazaŭ u dakumientalnym prajekcie Dźmitryja Kamarova «Hod». Padčas razmovy z Kamarovym u kupe ciahnika prezident pryznaŭsia, što nie moža pračytać napisanaje na etykietcy čajnaha pakunačka.

«Ničoha nie baču, choć zabi. Ja straciŭ zrok, heta fizična. A naadvarot, liču, što ludziej «baču». Šmat ža pracavali, kali nie było narmalnaha aśviatleńnia. Tamu što poŭnaha aśviatleńnia my nie vykarystoŭvali. Achova kazała: «Davajcie krychu mienš». My tak pracavali šmat miesiacaŭ. A potym zrok krychu pahoršyŭsia. Linzy ja nie vykarystoŭvaju, ja čytaju ŭ akularach. Ciapier tak. Usio narmalna», — adznačyŭ Uładzimir Zialenski.

Adnak i ŭ staŭleńni da svajho zroku jon roźnicca ad dyktataraŭ Biełarusi i Rasii. Tyja nikoli nie źjaŭlajucca pierad kamierami ŭ akularach, ale na videa traplaje, jakimi hihanckimi litarami im razdrukoŭvajuć materyjały.

Alaksandr Łukašenka idzie na trybunu ŭ Vałhahradzie, 2025 hod. Fota: Contributor / Getty Images

Kamientary da artykuła