Hiermanija pierad vučeńniami «Zachad-2025» pierakidaje svaje źniščalniki ŭ Polšču

Za čatyry tydni da pačatku rasijska-biełaruskich vajskovych vučeńniaŭ «Zachad-2025» Hiermanija pierakidaje svaje źniščalniki ŭ Polšču, kab padtrymać sajuźnikaŭ i prademanstravać hatoŭnaść NATA da abarony, piša Bild.

4 žniŭnia na vajskovy aeradrom Minsk-Mazaviecki prybyli piać niamieckich źniščalnikaŭ Eurofighter z 31-j taktyčnaj eskadrylli. Razam ź imi — 150 vajskoŭcaŭ Bundeśviera: piłoty, suviazisty i achova avijabazy.

Pavodle słoŭ pradstaŭnicy VPS Hiermanii, hetaja misija — vyrazny sihnał salidarnaści ŭnutry NATA, a taksama srodak strymlivańnia i abarony ahulnaj pavietranaj prastory.

U Ministerstvie abarony Hiermanii dadali, što heta padraździaleńnie vykonvaje rolu «pažarnaj kamandy» — jano hatovaje chutka reahavać na mahčymyja parušeńni pavietranaj prastory.

Źniščalniki buduć padtrymlivać niamieckija SPA-sistemy Patriot, jakija ŭžo dysłakavanyja ŭ polskim Žešavie. Akramia taho, źniščalniki z 71-j eskadrylli achoŭvajuć nieba nad paŭnočnaj Polščaj i Bałtykaj jašče z krasavika — asabliva ad rasijskich raźviedvalnych samalotaŭ.

Takija dziejańni vyklikanyja zaniepakojenaściu susiedziaŭ Rasii, u tym liku Polščy i krain Bałtyi, jakija bajacca, što vučeńni mohuć być prykryćciom dla ahresii.

Kamientary da artykuła