MZS aburyłasia budučymi akcyjami biełarusaŭ u Varšavie 9-10 žniŭnia

Pres-sakratar Ministerstva zamiežnych spraŭ Biełarusi Rusłan Varankoŭ vystupiŭ z zajavaj u suviazi z akcyjami demakratyčnych sił u Varšavie. 9-10 žniŭnia ŭ stalicy Varšavy płanujecca kanfierencyja «Novaj Biełarusi» pad ehidaj Ofisa Śviatłany Cichanoŭskaj, a taksama šeście z nahody piataj hadaviny prezidenckich vybaraŭ 2020 hoda.

Rusłan Varankoŭ

Pryviadziem słovy pres-sakratara całkam.

«Pavodle najaŭnaj u Ministerstvie zamiežnych spraŭ infarmacyi, 9—10 žniŭnia ŭ Varšavie, na płoščy imia Piłsudskaha, a taksama ŭ Varšaŭskim univiersitecie zapłanavana praviadzieńnie mierapryjemstva, metaj jakoha źjaŭlajecca naniesieńnie škody Respublicy Biełaruś. Arhanizatarami i aktyŭnymi ŭdzielnikami vystupajuć pradstaŭniki biełaruskaj emihracyi, jakich padtrymlivaje aficyjnaja Varšava i jakija viadomyja svajoj destruktyŭnaj i pravakacyjnaj dziejnaściu. Ministerstva zychodzić z taho, što padobnyja varožyja akcyi nie spryjajuć adnaŭleńniu narmalnaha dyjałohu pamiž našymi dziaržavami i naŭprost škodziać biełaruska-polskim adnosinam,» — skazaŭ Rusłan Varankoŭ.

U suviazi z hetym u Ministerstva zamiežnych spraŭ byŭ vyklikany časovy pavierany ŭ spravach Respubliki Polšča ŭ Respublicy Biełaruś, jakomu była ŭručana adpaviednaja nota.

MZS kaža, što budzie ŭvažliva sačyć za situacyjaj i rabić, kali što, zachady ŭ adkaz.

Kamientary da artykuła