U Minsku nie buduć znosić niekatoryja damy z-za budaŭnictva treciaj linii mietro
U Savieckim rajonie zachavajuć častku damoŭ, jakija płanavałasia źnieści z-za budaŭnictva mietro. Pra heta raskazaŭ kiraŭnik administracyi Savieckaha rajona Alaksandr Ščakovič, pišuć Minsk-Naviny.
— Byli vyznačanyja płany pa znosie šerahu damoŭ na vulicy Bahdanoviča, źviazanyja z budaŭnictvam mietrapalitena. Pakolki vyrašana, što linija mietro pojdzie krychu pa-inšamu, častka zapłanavanych damoŭ znosicca nie budzie, — paviedamiŭ A. Ščakovič.
Kiraŭnik rajonnaj administracyi dadaŭ, što ciapier raspracoŭvajecca adpaviednaja dakumientacyja. U najbližejšy čas žycharam niekalkich mikrarajonaŭ Savieckaha rajona paviedamiać, traplajuć ich damy ŭ zonu znosu ci nie.