Budanaŭ: Łukašenka nie zhadžajecca davać kalidor rasiejcam
Ale kiraŭnik HUR dadaje, što Ukraina pavinna być hatovaja da čaho zaŭhodna z boku Łukašenki.
Kiryła Budanaŭ. Skrynšot videa: NataliyaMoseychuk / YouTube
Kiraŭnik Hałoŭnaha ŭpraŭleńnia raźviedki Ukrainy Kiryła Budanaŭ ličyć, što Alaksandr Łukašenka admaŭlajecca davać rasiejcam kalidor dla zachodu na terytoryju Ukrainy. Pra heta jon skazaŭ u intervju Natalli Masiajčuk.
«Ciažkaje pytańnie, — adkazaŭ Budanaŭ na pytańnie, u jakim vypadku Łukašenka moža dać kalidor rasiejcam. — Ciapier jon kateharyčna na heta nie zhadžajecca i nie pahodzicca. Ciapier. U rešcie rešt my ŭsie pamiatajem 2022 hod, kali adbyłosia toje, što ŭsie bačyli. I my prosta pavinny być mocnymi i hatovymi da čaho zaŭhodna. Tady z nami nie budzie niečakanaściaŭ. Heta ad nas zaležyć usio».