Stanisłava Hlińnik admoviłasia ad vice-śpikierstva ŭ Kaardynacyjnaj radzie
Pamočnica Śviatłany Cichanoŭskaj Stanisłava Hlińnik, jakaja apošni hod była taksama vice-śpikierkaj Kaardynacyjnaj rady, a paśla źniknieńnia śpikierki Anžaliki Mielnikavaj niekatory čas vykonvała abaviazki kiraŭnicy hetaj instytucyi, zajaviła pra składańnie hetych paŭnamoctvaŭ.
Stanisłava Hlińnik
«Pryčynaŭ šmat, ale asnoŭnaja — heta pavialičeńnie majoj nahruzki ŭ Ofisie Śviatłany Cichanoŭskaj», — arhumientavała svajo rašeńnie Hlińnik, padziakavaŭšy ŭsim za supracu i davier.