U Armienii projduć vučeńni z udziełam amierykanskich vajskoŭcaŭ
Z 12 pa 20 žniŭnia ŭ Armienii projduć sumiesnyja vajskovyja vučeńni z udziełam ZŠA. Pra heta paviedamiła Ministerstva abarony krainy.
Zdymak ilustracyjny. Fota: AP Photo/Shakh Aivazov
Manieŭry pad nazvaj EAGLE PARTNER 2025 arhanizavanyja ŭ miežach padrychtoŭki armianskich vajskoŭcaŭ da ŭdziełu ŭ mižnarodnych miratvorčych misijach.
U vučeńniach voźmuć udzieł:
- vajskoŭcy miratvorčaj bryhady Uzbrojenych sił Armienii;
- suchaputnyja vojski ZŠA ŭ Jeŭropie i Afrycy;
- Nacyjanalnaja hvardyja štata Kanzas.
Jak adznačajecca, meta vučeńniaŭ — palapšeńnie ŭzajemadziejańnia siłaŭ u ramkach miratvorčych apieracyj, abmien vopytam, a taksama pavyšeńnie ŭzroŭniu kiravańnia i taktyčnaj kamunikacyi.
Pry hetym u armianskim horadzie Hiumry ŭsio jašče znachodzicca 102-ja rasijskaja vajskovaja baza — adna z apošnich vajskovych apor Maskvy na Paŭdniovym Kaŭkazie, razam z bazami ŭ niepryznanych i całkam padkantrolnych Rasii Abchazii i Paŭdniovaj Asiecii. A sama Armienija dahetul aficyjna nie vyjšła z kantralavanaj Rasijaj Arhanizacyi Damovy ab kalektyŭnaj biaśpiecy, choć i maksimalna abmiežavała svoj u joj udzieł.
Čytajcie taksama:
Palicyja Jerevana nie dała vajskoŭcam RF vykraści rasijskaha deziercira
U Armienii zatrymanyja siem čałaviek pa padazreńni ŭ padrychtoŭcy teraktu