Elektrasamakat zahareŭsia ŭ kvatery ŭ Mahilovie
Zdareńnie adbyłosia dniom 1 žniŭnia.
Fota: MNS
U słužbu MNS pastupiŭ zvanok ad 16-hadovaha padletka, jaki paviedamiŭ pra pažar u trochpakajovaj kvatery na dziaviatym doma na vulicy Hrunvaldskaj, paviedamlaje MNS.
Dyśpietčar MNS paraiła ŭsim, chto znachodziŭsia ŭ kvatery, nieadkładna pakinuć pamiaškańnie, ščylna začyniŭšy za saboj dźviery. Na momant uźniknieńnia pažaru ŭ kvatery znachodzilisia dzieci razam z babulaj.
Hareńnie pačałosia z elektrasamakata ŭ adnym z pakojaŭ. Babula i starejšy ŭnuk pasprabavali samastojna spravicca z uzharańniem, adnak ahoń chutka nabiraŭ moc. Jany źviarnulisia pa dapamohu da vyratavalnikaŭ. Na ščaście, nichto nie paciarpieŭ.
U vyniku pažaru ŭ pakoi źniščana majomaść, zakuranyja ścieny i stol u kvatery.
Razhladajecca viersija karotkaha zamykańnia elektrasamakata.