Top-śpiecyjalistku pa markietynhu z MTBanka asudzili za ŭdzieł u pratestach
Taćciana Ancipovič bolš za 15 hadoŭ u markietynhu, jana pracavała z roznymi vialikimi kampanijami. Dziaŭčynie prysudzili chatniuju chimiju za 2020 hod.
Taćciana Ancipovič. Fota ź jaje staronki ŭ Facebook
Taćcianie Ancipovič 37 hadoŭ. Jana minčanka. Skončyła Biełaruski nacyjanalny techničny ŭniviersitet pa śpiecyjalnaści «markietynh» u 2010 hodzie i z taho času pracuje ŭ hetaj śfiery.
Taćciana pracavała ŭ vialikich kampanijach. U 2017 hodzie pryjšła ŭ MTBank, dzie ŭ 2020-m darasła da namieśnicy kiraŭnika ŭpraŭleńnia markietynhu. U 2023-m kiravała markietynham siehmienta B2C (pradukty dla fizičnych asob).
Niekalki razoŭ Ancipovič traplała ŭ rejtynh samych efiektyŭnych markietołahaŭ Biełarusi, a ŭ 2022-m uvajšła ŭ dziasiatku najlepšych. Jana atrymlivała ŭ składzie kamandy za svaju pracu i inšyja prestyžnyja premii.
U 2024-m dziaŭčyna syšła z MTBanka. Ciapier pracuje ŭ anłajn-łatarejach.
Taćcianu asudzili ŭ 2025 hodzie pa č. 1 art. 342 KK — «udzieł u dziejańniach, jakija hruba parušajuć hramadski paradak» i prysudzili chatniuju chimiju. Jaje dadali ŭ milicejski śpis «ekstremistaŭ».
Čytajcie taksama:
Raspaviadajem, jak dakazvajuć udzieł biełarusaŭ u pratestach i jak źmienšyć ryzyku
Byłuju kandydatku ad partyi Hajdukieviča pasadzili za ŭdzieł u pratestach