Pavialičyŭsia pamier dapamohi na pachavańnie

Z 1 žniŭnia ŭ Biełarusi pavialičyŭsia pamier dziaržaŭnaj dapamohi na pachavańnie — ciapier jana składaje 2717,8 rubla, što na 65,5 rubla bolš, čym raniej. Heta ŭžo piataje padvyšeńnie ŭ 2025 hodzie, jakoje źviazana z rostam siaredniaj zarabotnaj płaty ŭ krainie.

Zdymak ilustracyjny. Fota: freepik.com

Pamier hetaj dapamohi zaležyć ad siaredniaha naličanaha zarobku za dva miesiacy da taho. Tamu dla vypłat u žniŭni ŭličvajucca danyja za červień, kali siaredni zarobak dasiahnuŭ 2717,8 rubla.

Prava na atrymańnie dapamohi majuć tyja, chto zajmaŭsia arhanizacyjaj pachavańnia ludziej z nastupnych katehoryj:

• hramadzian za jakich unosilisia abaviazkovyja strachavyja ŭznosy ŭ FSAN;
• piensijanieraŭ;
• aficyjna zarehistravanych biespracoŭnych;
• niepaŭnaletnich abo studentaŭ dzionnaj formy navučańnia.

Kab atrymać vypłatu, treba źviarnucca ŭ orhany sacyjalnaj abarony pa miescy žycharstva ź nieabchodnymi dakumientami, u tym liku paśviedčańniem ab śmierci. Śpis dakumientaŭ možna ŭdakładnić na miescy.

Kamientary da artykuła