Byłuju kandydatku ad partyi Hajdukieviča pasadzili za ŭdzieł u pratestach
Marharyta Ščyrec vyłučałasia ŭ miascovyja deputaty ad Libierał-demakratyčnaj partyi ŭ 2014 hodzie. Padobna, što jana dahetul za kratami.
Marharyta Ščyrec. Fota ź jaje staronki Ukantakcie
Marharycie Ščyrec 40 hadoŭ. Jana minčanka. Pracavała kantraloram na zavodzie «Śfiera», jaki ŭvachodzić u skład chołdynha BiełOMA i znachodzicca na vulicy Makajonka ŭ Minsku.
Miarkujučy pa fota z sacsietak, u žančyny jość dzicia.
Marharyta doŭhi čas była siabram Libieralna-demakratyčnaj partyi Biełarusi. Jana była ŭ inicyjatyŭnaj hrupie Siarhieja Hajdukieviča na prezidenckich vybarach — 2010. A ŭ 2014-m bałatavałasia ŭ Minski haradski saviet deputataŭ ad partyi — naturalna, prajhrała. Paśla hetaha ŭ publičnym poli nie źjaŭlałasia.
Marharyta Ščyrec. Fota ź jaje fejsbuka
Marharytu Ščyrec zatrymali naprykancy 2024 hoda — z kanca listapada jana pierastała być aktyŭnaj adnačasova va ŭsich sacsietkach. Z taho času anłajn jana nie źjaŭlałasia.
Marharytu asudzili ŭ Minskim haradskim sudzie pa č. 1 art. 342 KK — «udzieł u dziejańniach, jakija hruba parušajuć hramadski paradak». Joj pahražała da troch hadoŭ kałonii. Prysud, jak i sutnaść abvinavačańniaŭ — nieviadomyja.
Čytajcie taksama:
Raspaviadajem, jak dakazvajuć udzieł biełarusaŭ u pratestach i jak źmienšyć ryzyku
70-hadovuju žančynu z Homiela pasadzili za kamientary. Heta samaja pažyłaja palitźniavolenaja