Łukašenka raskazaŭ, jak jon pieražyvaŭ za Trampa
Alaksandr Łukašenka prakamientavaŭ dedłajny prezidenta ZŠA Donalda Trampa, jakija toj advodzić Rasii na spynieńnie vajennaha kanfliktu va Ukrainie. Pra heta jon zajaviŭ, adkazvajučy na pytańni žurnalistaŭ padčas sustrečy z Uładzimiram Pucinym na Vałaamie, piša BiełTA.
Fota: Chip Somodevilla / Getty Images
Alaksandr Łukašenka nazvaŭ Donalda Trampa «našym ahulnym siabram, za jakoha my tak pieražyvali». «Ja pamiataju našy pieražyvańni, kab jon pieramoh i hetak dalej», — adznačyŭ jon.
Kamientujučy zajavy kiraŭnika ZŠA nakont dedłajnaŭ, Łukašenka skazaŭ: «50, 60, 10 dzion. Tak palityka nie robicca. Kali jon choča miru — jon pavinien padklučacca aściarožna, hruntoŭna. Heta vajennaje sutyknieńnie. I ŭkazać tam nie atrymajecca. Tym bolš — jadziernaj dziaržavie. Heta prosta vyklikaje śmiech».
«Vy viedajecie, niadaŭna ja sustrakaŭsia z amierykancami. Ja im adkryta heta skazaŭ. Heta jaho (Donalda Trampa) blizkija siabry. Kažu im: prezidentu skažycie, što treba aściarožna ŭsio heta rabić. I damovicca možna», — zajaviŭ Łukašenka.
Čytajcie taksama:
Łukašenka: Pastavić na kaleni Biełaruś i Rasiju nikomu nie ŭdasca
Łukašenka zajaviŭ, što ŭ bieśpiłotniku, jaki ŭpaŭ u Minsku, było 59 kh vybuchoŭki