U Pružanskim rajonie zahinuła 80-hadovaja ravarystka
Prykładna a 16-j hadzinie ŭ ahraharadku Linova Pružanskaha rajona 58-hadovy mužčyna, kirujučy aŭtamabilem MAZ, jechaŭ pa vulicy Šašejnaj.
Kala skryžavańnia z vulicaj Alšanskaj mužčyna najechaŭ na 80-hadovuju miascovuju žycharku, jakaja jechała na rovary ŭzdoŭž darohi. Pavodle papiarednich źviestak, žančyna pačała pierasiakać prajeznuju častku pierad aŭtamabilem, što i pryviało da sutyknieńnia.
U vyniku DTZ žančyna zahinuła na miescy.