«Biellehpram» pradstaviŭ abutak «dla sapraŭdnych patryjotaŭ» Biełarusi

Dziaržaŭny kancern lohkaj pramysłovaści «Biellehpram» pakazaŭ novuju kalekcyju abutku, jaki, pa słovach pradstaŭnikoŭ kancerna, pryznačany dla maładych biełarusaŭ — udzielnikaŭ vajskova-patryjatyčnych hurtkoŭ i kłasaŭ.

U paviedamleńni abutak nazvali «abutkam sapraŭdnych patryjotaŭ». Śpiecyjalnuju liniejku raspracavali mienavita dla navučencaŭ patryjatyčnych siekcyj i kłubaŭ Respubliki Biełaruś.

U «Biellehpramie» adznačajuć, što madeli kalekcyi stvaralisia z ulikam budučaj strajavoj padrychtoŭki i aktyŭnych zaniatkaŭ. Pry hetym padkreślivajecca, što abutak adpaviadaje ŭsim strohim patrabavańniam, što vystaŭlajucca da dziciačaj i padletkavaj pradukcyi.

Asnoŭnuju častku kalekcyi składajuć boty. U kancernie zapeŭnili, što jany buduć znosaŭstojlivymi dziakujučy vykarystańniu naturalnaj skury vysokaj jakaści i siertyfikavanych materyjałaŭ.

Vytvorcam kalekcyi vystupiła pradpryjemstva «Čaŭlar».

Kamientary da artykuła