Polskija mytniki znajšli biełaruskija cyharety ŭ kantejnierach z Kitaja
Polskija mytniki ŭ Małaševičach kala miažy ź Biełaruśsiu, zatrymali kantrabandnyja cyharety ź biełaruskimi akcyzami. Jak paviedamlaje Lublinskaja mytna-padatkovaja słužba, cyharety znajšli ŭ dvuch čyhunačnych kantejnierach, što pryjechali z Kitaja.
Fota: lubelskie.kas.gov.pl
U kožnym kantejniery było pa 40 tysiač pačkaŭ kantrabandnych cyharet, schavanych siarod lehalnaha tavaru.
Ahulny košt hetaha tavaru składaje kala 1,4 miljona złotych (prykładna 380 tysiač dołaraŭ). Ciapier pa hetaj spravie idzie rasśledavańnie.
Kanfiskavanyja cyharety adpravili na skład padatkovaha ŭpraŭleńnia, dzie jany buduć zachoŭvacca da rašeńnia suda. Paśla kanfiskacyi cyharety źniščać.
Čytajcie taksama:
Bieśpiłotnik zalacieŭ ź Biełarusi ŭ Litvu i pralacieŭ čatyry kiłamietry
Kala miažy ź Litvoj znoŭ zatrymali biełarusaŭ z aerastatam
U Litvu na «supierdronie» pierakinuli 3000 pačak cyharet ź Biełarusi