Kolkaść mašyn na polskaj miažy znoŭ pieravaliła za tysiaču
Pa stanie na 06:00 ranicy na pierachodzie «Brest» stajać 1160 lehkavych aŭtamabilaŭ i 18 aŭtobusaŭ, paviedamlaje Pamiežny kamitet.
Stabilna bolš za tysiaču aŭto na pierachodzie «Brest» było ŭ červieni, u lipieni čarha stała źmianšacca i padała da 130 aŭto.
Na litoŭskaj miažy ŭ «Bieniakoniach» čerhaŭ niama, u «Kamiennym Łohu» — 20 lehkavikoŭ.
Razam z tym aŭtobusy na litoŭskaj miažy spaźniajucca. Tak aŭtobus Vilnia — Minsk adpraŭleńniem sa stalicy Litvy a 8-j ranicy, a 7-j stajaŭ na niejtralnaj pałasie ŭ bok Vilni.