U Polščy pierakuliłasia fura biełaruskaha dalnabojščyka. Jon sprabavaŭ paźbiehnuć sutyknieńnia
DTZ adbyłosia 28 lipienia kala 15:00 u Łodzinskim vajavodstvie, piša Most.
Fota: OSP KSRG Chorrzew
46-hadovy Andrej Laščuk raspavioŭ polskamu vydańniu Kulisy.net, što na vuzkaj darozie ŭbačyŭ mikraaŭtobus, jaki jechaŭ nasustrač. Kab nie začapić bus, jon, nakolki heta było mahčyma, nabliziŭsia da kraju darohi. Ale kraj abočyny akazaŭsia nastolki rychłym, što ziamla pravaliłasia.
Pryčep byŭ zahružany 24 tonami hranulavanaj vapny. Kali ziamla abrynułasia, razam ź joj pierakuliłasia i mašyna. Biełaruski kiroŭca nie zmoh samastojna adkryć dźviery znutry. Na dapamohu pryjšoŭ vadziciel, jaki prajazdžaŭ mima. Ź jaho dapamohaj dalnabojščyk zmoh vybracca z kabiny.
Na miescy pracavali try vyratavalnyja bryhady. Darohu pierakryli na čas pracy evakuatara. Pryvatnaja firma, naniataja transpartnaj kampanijaj, zaniałasia pierahruzkaj vapny — hety hruz nakiroŭvaŭsia ŭ Litvu.