BIEŁ Ł RUS

Jak drony zalatajuć ź Biełarusi ŭ Litvu? U iSANS raskazali, što viadoma

28.07.2025 / 22:0

Nashaniva.com

Siońnia ranicaj jašče adzin dron zalacieŭ na terytoryju Litvy z boku Biełarusi. U inicyjatyvie iSANS prakamientavali, što viadoma pra hety bieśpiłotnik.

Dron, jaki siońnia zalacieŭ u Litvu. Skrynšot ź videa LRT

Dron siońnia byŭ bačny nad Vilniaj kala 5-j ranicy. Jaho zaśniali vidavočcy.

«Pavodle našych źviestak, siońnia ranicaj (28 lipienia) paloty samalotaŭ i viertalotaŭ VPS i SPA Biełarusi zafiksavanyja nie byli. Tamu možna vykazać hipotezu, što, mahčyma, padraździaleńni radyjotechničnych vojskaŭ VPS i SPA Biełarusi nie zafiksavali palot drona ŭ pavietranaj prastory Biełarusi, — kamientujuć u iSANS. —

Pavodle źviestak ukrainskich manitorynhavych kanałaŭ, siońnia ŭnačy adzin z rasijskich dronaŭ zalacieŭ z terytoryi Ukrainy ŭ Bresckuju vobłaść. Mahčyma, mienavita hety dron u vyniku i dasiahnuŭ terytoryi Litvy. Varta adznačyć, što Bresckaja i bolšaja častka Hrodzienskaj vobłaści ŭvachodziać u zonu adkaznaści 8-j radyjotechničnaj bryhady (v/č 29969)».

Litoŭskija vajskoŭcy ličać, što najchutčej dron byŭ dezaryjentavany ŭkrainskaj SPA.

Ale jak bieśpiłotnik moh bieśpieraškodna pralacieć takuju vialikuju adlehłaść?

«Simvalična, što z 23 pa 25 lipienia ŭ 8-j radyjotechničnaj bryhadzie prachodzili bryhadnyja taktyčnyja vučeńni. Raźliki radyjołakacyjnych stancyj adpracoŭvali zadačy pa vyjaŭleńni pavietranych celaŭ umoŭnaha praciŭnika, a taksama adpracoŭvali svoječasovuju pieradaču danych padraździaleńniam zienitnych rakietnych vojskaŭ i avijacyi. Siarod inšaha, asablivaja ŭvaha nadavałasia baraćbie ź bieśpiłotnikami

Adnak, vidać, u realnaj situacyi z zadačaj vyjaŭleńnia sapraŭdnaha drona vajskoŭcy bryhady nie spravilisia», — padsumoŭvajuć ekśpierty.

U iSANS nahadvajuć, što i raniej, uvosień 2024 hoda, rasijskija drony zalatali ŭhłyb terytoryi Biełarusi na bolš jak 200 kiłamietraŭ, u tym liku ŭ zachodnija rehijony krainy.

Čytajcie taksama:

Biełaruski viertalot namahaŭsia źbić dron, što zalacieŭ u Litvu

Biełarusam patłumačyli, što rabić, kali ŭpaŭ dron

Dron zalacieŭ ź Biełarusi na terytoryju Litvy

Kamientary da artykuła