U Breście zaŭvažyli adrazu čatyroch lis u adnym miescy. Tam ža byŭ i kot
U Breście kala 5-ha forta ludzi zaŭvažyli adrazu čatyroch lis. Videa ź imi źjaviłasia ŭ tyktoku i vyklikała aktyŭnaje abmierkavańnie, zaŭvažyŭ Telegraf.news.
Skrynšot ź videa
Na kadrach bačna, jak lisy svabodna chodziać pobač ź ludźmi, niuchajuć asfalt i nie pužajucca transpartu. Pobač taksama byŭ kot, jaki napružyŭsia i vyhnuŭ śpinu, ubačyŭšy dzikich žyvioł.
Kamientatary vykazali zaniepakojenaść: niekatoryja bajalisia, što lisy mohuć być šalonymi abo napaści na kota. Chtości napisaŭ, što «kata nielha tam pakidać — lisy jaho lohka zahryzuć», inšyja źviarnuli ŭvahu, što nie pryščeplenyja katy mohuć zarazicca šalenstvam.
Ale byli i vodhuki, jakija supakojvali: niechta śćviardžaŭ, što hetyja lisicy — «miascovyja», ich usie viedajuć, jany amal ručnyja, a na samaj spravie katy sami časam haniajuć lisianiat, bo ŭ ich kankurencyja za ježu. Taksama adznačałasia, što heta, chutčej za ŭsio, zusim maładyja lisy, tamu jany takija biasstrašnyja.
Čytajcie taksama:
U Biełaruś pryjšoŭ lasny kot — takoha nie bačyli amal 100 hadoŭ
U Pinskim rajonie ŭviali karancin z-za lisy, chvoraj na šalenstva
U Hrodzienskim zaaparku lisa-babula stała mamaj dla małych lisianiat VIDEA