U Hiermanii syšoŭ z rejek pasažyrski ciahnik. Jość zahinułyja
U ciahniku znachodziłasia kala 100 čałaviek. Z-pad abłomkaŭ čuvać kryki.
Kolkaść paciarpiełych pakul nieviadomaja, piša vydańnie Bild.
Incydent adbyŭsia ŭ fiederalnaj ziamli Baden-Viurtembierh kala 18:10 pa miascovym časie kala nasielenaha punkta Ćvifaltendorf, u rajonie Bibierych.
Bild paviedamlaje, što ratavalniki i pažarnyja sprabujuć praniknuć u pieraviernutyja vahony, kab dabracca da zabłakiravanych pasažyraŭ. Z-pad abłomkaŭ čuvać kryki. Adzin z vahonaŭ lažyć na baku, jaho dach razarvany, a vahony, što całkam syšli z rejek, apynulisia ŭ lasistaj miascovaści.
Z-za addalenaści miesca avaryi palicyja dabirałasia tudy z zatrymkaj. Pa stanie na 19:30 na miescy pracavała vialikaja kolkaść ekstrannych słužbaŭ, paciarpiełym akazvajecca dapamoha. Słužba ekstrannaha reahavańnia Rejtlinhiena abviaściła ŭnutrany režym «masavaha pastupleńnia paciarpiełych» — heta aznačaje, što čakajecca značnaja kolkaść ludziej, jakim patrebnaja miedycynskaja dapamoha.
Pryčyny zdareńnia pakul nie ŭstanoŭlenyja. ŚMI vykazvajuć viersii pra urahan abo drevy, što ŭpali na puci.