U Drazdach hadami nie mohuć pradać damy, źviazanyja z nabližanymi da ŭładaŭ ludźmi

U mikrarajonie Drazdy ŭ Minsku jak minimum treci hod sprabujuć pradać dva katedžy, jakija raniej naležali nabližanym da ŭładaŭ ludziam, zaŭvažyła «Lusterka». Adzin niedabudavany katedž naležaŭ Andreju Uciurynu — eks-kiraŭniku Słužby biaśpieki Alaksandra Łukašenki. Druhi — siamji eks-kiraŭnika Śledčaha kamiteta Valancina Šajeva.

Dom № 24 na vulicy Vierbnaj u Minsku. Fota: Realt.by

Vystaŭleny na prodaž niedabud, jaki jak minimum da siaredziny 2021-ha ličyŭsia za Andrejem Uciurynym (nie vyklučana, što i ciapier), znachodzicca ŭ Minsku na vulicy Vierbnaj, 24.

Dom № 24 na vulicy Vierbnaj. Fota: Realt.by

Jaho sprabujuć zbyć jak minimum z kanca lutaha 2023-ha, tady košt byŭ 1 miljon 450 tysiač dalaraŭ. U lipieni taho ž hoda košt źnižali da 1,3 miljona, a ciapier za jaho prosiać 1,4 miljona dalaraŭ, abo 4 121 460 rubloŭ.

Dom № 24 na vulicy Vierbnaj. Fota: Realt.by

Ahulnaja płošča doma składaje 590 kvadratnych mietraŭ, vyšynia stolaŭ — ad 3,62 da piaci mietraŭ. Usie kamunikacyi ŭ domie centralnyja.

Taksama ŭ Drazdach u Minsku jak minimum treci hod sprabujuć pradać katedž, jaki kaštuje amal 10 miljonaŭ rubloŭ. Raniej žyllo naležała siamji eks-kiraŭnika Śledčaha kamiteta Valancina Šajeva — minimum da siaredziny 2021 hoda. Chto vałodaje darahoj nieruchomaściu ciapier, nieviadoma.

Dom u zavułku Siomkaŭski u Minsku, jaki pradajecca za 3 miljony 360 tysiač dalaraŭ. Fota raźmieščana na realt.by

Katedž znachodzicca ŭ zavułku Siomkaŭskim u Minsku.

«Pradajecca novy — nichto nie žyŭ — dom u Drazdach. Učastak 14,5 sotki ŭ pryvatnaj ułasnaści», — paznačana ŭ abjavie.

Dom u zavułku Siomkaŭski ŭ Minsku, jaki pradajecca za 3 miljony 360 tysiač dalaraŭ. Fota raźmieščana na realt.by

Ahulnaja płošča abjekta — 305 kvadratnych mietraŭ, žyłaja — 200 kvadratnych mietraŭ. Cana — 3 miljony 360 tysiač dalaraŭ (9 miljonaŭ 891,5 tysiačy rubloŭ pa kursie Nacbanka na 26 lipienia).

Kamientary da artykuła