U Breście siłaviki skarystali zbroju suprać pjanaha mužčyny
U Breście milicyjaniery skarystali tabielnuju zbroju suprać 47-hadovaha miascovaha žychara, jaki pahražaŭ im nažami, paviedamlaje pres-słužba MUS.
Usio pačałosia z taho, što da bieraściejca pryjechali hazaviki — adklučyć haz za nieapłatu. Mužčyna, jaki znachodziŭsia ŭ stanie mocnaha ałkaholnaha apjanieńnia, pačaŭ pavodzić siabie ahresiŭna.
Kali na miesca pryjechali vyklikanyja hazavikami supracoŭniki milicyi, jon schapiŭ dva nažy i pajšoŭ na ich, nie reahujučy na patrabavańni spynicca. U vyniku siłaviki strelili jamu ŭ nohi, kab abiasškodzić. Paśla hetaha jamu akazali pieršuju miedycynskuju dapamohu i pieradali chutkaj dapamozie.
Ciapier suprać mužčyny raspačali kryminalnuju spravu za pahrozu abo prymianieńnie hvałtu ŭ dačynieńni da supracoŭnikaŭ milicyi. Jamu pahražaje da 7 hadoŭ pazbaŭleńnia voli.
Čytajcie taksama:
U Słonimie mužčyna razhaniaŭ sum, stralajučy pa voknach susiedziaŭ