Źniali z pasady namieśnika hiendyrektara TASS, jaki braŭ intervju ŭ Łukašenki
Premjer-ministr Rasii Michaił Mišuścin padpisaŭ pastanovu ab vyzvaleńni Michaiła Husmana ad pasady pieršaha namieśnika hienieralnaha dyrektara TASS.
Michaił Husman
75-hadovy Michaił Husman prapracavaŭ na roznych pasadach u ahienctvie TASS amal 30 hadoŭ. Siarod inšaha jon nieadnarazova braŭ dla jaho intervju ŭ Alaksandra Łukašenki, za što, vidać, i byŭ u 2020 hodzie ŭhanaravany im miedalom Francyska Skaryny.
Mahčyma, adstaŭku Husmana moža być źviazanaja z abvastreńniem rasijska-azierbajdžanskich adnosin, bo niezadoŭha pierad adstaŭkaj Z-błohiery krytykavali jaho za pajezdku na miedyjaforum u Azierbajdžan z udziełam prezidenta hetaj krany Ilchama Alijeva, a taksama za pazityŭnyja zajavy na adras azierbajdžanskaha lidara. Akramia Husmana, na tym mierapryjemstvie prysutničaŭ taksama kramloŭski palitołah Siarhiej Markaŭ.