Cichanoŭskaja pra spravu Stryžaka: Toje, što zrabiŭ kiraŭnik — nie padstava razburać fundamient

Śviatłana Cichanoŭskaja vystupiła z zajavaj adnosna hučnaj spravy z rassyłańniem dykpikaŭ kiraŭnikom Fondu salidarnaści «Bajsoł» Andrejem Stryžakom. Asudžajučy dziejańni, zroblenyja čałaviekam, jana ŭ toj ža čas zaklikaje nie pieranosić heta na ŭsiu arhanizacyju.

Śviatłana Cichanoŭskaja

Pa słovach Śviatłany Cichanoŭskaj, apošnija naviny «vyklikali abureńnie i rasčaravańnie», jana vykazała padtrymku paciarpiełym ad charasmientu žančynam i padkreśliła, što «niekarektnyja i haniebnyja pavodziny nielha apraŭdvać ci zamoŭčvać». 

U toj ža čas

«Bysol — heta nie adzin čałaviek, a arhanizacyja, jakaja pracuje šmat hadoŭ. Heta kamanda, jakaja farmiravałasia ź ludziej z dośviedam, prafiesijanalizmam, vytrymkaj. Ludziej, što dapamahali inšym, navat kali sami znachodzilisia ŭ niebiaśpiecy. Mnohija ź ich z samaha pačatku byli pobač ź biełarusami ŭ ciažkija časy».

Da taho ž kiraŭnictva arhanizacyi zaniało ŭ hetych abstavinach adekvatnuju pazicyju: 

«Kali supolnaść daznałasia pra nieprymalnyja dziejańni Andreja Stryžaka, fond adreahavaŭ jak adkaznaja struktura: pryznaŭ prablemu, adchiliŭ ad pracy kiraŭnika i pačaŭ unutranaje rasśledavańnie. Nichto nie sprabavaŭ ničoha «zamiać». Liču, što takaja prazrystaja i sumlennaja pazicyja adpaviadaje standartam, jakich my ŭsie čakajem ad arhanizacyjaŭ, što pracujuć dla Biełarusi».

Tamu 

«nielha dazvolić, kab dziejańni adnaho čałavieka źniščyli šmathadovuju pracu fondu, bo Bysol dapamoh i dapamahaje tysiačam biełarusaŭ»

i pa-raniejšamu patrebny tym, chto znachodzicca ŭ niebiaśpiecy.

«Fond Bysol zasłuhoŭvaje nie «admieny», a padtrymki, mienavita tamu, što važny dla biełaruskaha hramadstva. Toje, što zrabiŭ kiraŭnik — nie padstava razburać fundamient, jaki hadami stvaraŭsia sumlennymi i addanymi ludźmi», — robić vysnovu Śviatłana Cichanoŭskaja.

Kamientary da artykuła