Hrybniki znajšli kala Homiela trup mužčyny
Padazravany ŭ jaho zabojstvie aryštavany.
Padazravany ŭ zabojstvie. Skrynšot videa MUS
Hrybniki ŭ Homielskim rajonie znajšli trup mužčyny. Pamierłym akazaŭsia 68-hadovy piensijanier, paviedamlaje MUS.
Cialesnyja paškodžańni śviedčyli ab hvałtoŭnaj śmierci. Nieŭzabavie zatrymali 61-hadovaha miascovaha žychara, jaki byŭ raniej sudzimy.
Padazravany i zabity razam pracavali na indyvidualnaha pradprymalnika, źbirali harodninu. Napiaredadni paśla zastolla mužčyny pajšli ŭ susiedniuju viosku. Pa darozie zdaryŭsia kanflikt, 61-hadovy mužčyna ŭdaryŭ sabutelnika nažom u šyju i tvar. Kali paciarpieły ŭpaŭ na ziamlu, źbiŭ jaho i ŭciok.
Śledčyja zaviali kryminalnuju spravu za zabojstva. Padazravany aryštavany.