Raspracoŭščyka kampjutarnych hulniaŭ asudzili na dva hady kałonii za kamientary
Viktar Mieka śpiecyjalizavaŭsia na dadatkach dla Doty 2.
Viktar Mieka. Fota: sacsietki
U červieni 2025 hoda ŭ Minsku vynieśli prysud ajcišniku Viktaru Mieka. Pavodle infarmacyi «Viasny», chłopiec atrymaŭ dva hady kałonii za «zakliki da dziejańniaŭ, skiravanych na pryčynieńnie škody nacyjanalnaj biaśpiecy Biełarusi» (art. 361).
Viktar Mieka naradziŭsia ŭ 1988-m. Vučyŭsia ŭ Minskim inavacyjnym univiersitecie.
Mieka maje bolš za 10 hadoŭ vopytu ŭ jakaści apieratara łaziernaha i freziernaha abstalavańnia. Apošnija hady zajmaŭsia raspracoŭkaj kampjutarnych hulniaŭ — stvaraŭ karystalnickija hulni i mody dla Doty 2.
Chłopca aryštavali 6 lutaha 2025 hoda, čatyry miesiacy da suda jon znachodziŭsia ŭ SIZA.