Распрацоўшчыка камп’ютарных гульняў асудзілі на два гады калоніі за каментары
Віктар Мека спецыялізаваўся на дадатках для Доты 2.
Віктар Мека. Фота: сацсеткі
У чэрвені 2025 года ў Мінску вынеслі прысуд айцішніку Віктару Мека. Паводле інфармацыі «Вясны», хлопец атрымаў два гады калоніі за «заклікі да дзеянняў, скіраваных на прычыненне шкоды нацыянальнай бяспецы Беларусі» (арт. 361).
Віктар Мека нарадзіўся ў 1988-м. Вучыўся ў Мінскім інавацыйным універсітэце.
Мека мае больш за 10 гадоў вопыту ў якасці аператара лазернага і фрэзернага абсталявання. Апошнія гады займаўся распрацоўкай камп’ютарных гульняў — ствараў карыстальніцкія гульні і моды для Доты 2.
Хлопца арыштавалі 6 лютага 2025 года, чатыры месяцы да суда ён знаходзіўся ў СІЗА.