U Minsku zatrymali piensijaniera, jaki čyniŭ samasud nad kiroŭcami
U Minsku milicyja zatrymała piensijaniera, jaki karaŭ kiroŭcaŭ aŭtamabilaŭ za šum i niapravilnuju parkoŭku. Mužčyna stralaŭ ź pnieŭmatyčnaj zbroi pa mašynach, kidaŭ kamiani i pustyja butelki. Jon byŭ aburany tym, što kala jahonaha doma hučna razmaŭlali abo aŭtamabili stajali niapravilna.
Skrynšot ź videa
Piać aŭtamabilistaŭ źviarnulisia ŭ milicyju z paviedamleńniami pra paškodžańni svaich mašyn. Vyśvietliłasia, što ŭsia naniesienaja škoda — sprava ruk adnaho čałavieka. Usiaho jon nanios strat na sumu bolš za 4000 rubloŭ.
Mužčyna ŭ svajo apraŭdańnie kazaŭ, što jamu nie padabaŭsia šum i nieachajnaja parkoŭka kala jaho domu, a taksama kali doŭha nie hłušyli ruchaviki mašyn. Adzin raz jon navat padrapaŭ mašynu kamianiom na parkoŭcy kala palikliniki, bo kiroŭca pavodziŭsia ahresiŭna.
Ciapier piensijaniera buduć sudzić za jaho pavodziny. Milicyja pačała suprać jaho spravu za chulihanstva.
Čytajcie taksama:
Pad Minskam dzieci składali kamiani na rejki
U Słonimie mužčyna razhaniaŭ sum, stralajučy pa voknach susiedziaŭ