Biełarusa, zatrymanaha ŭ Hruzii, vyzvalili
18 lipienia ŭ Hruzii z-pad aryštu vyzvalili hramadzianina Biełarusi, jaki raniej byŭ zatrymany na try miesiacy. Takoje rašeńnie pryniaŭ Tbiliski haradski sud, paviedamiŭ vydańniu «Pozirk» brescki pravaabaronca Raman Kisialak, jaki ciapier žyvie ŭ Hruzii.
«Aryšt zamienieny nieabchodnaściu adznačacca ŭ Departamiencie mihracyi MUS raz na dva tydni. U toj ža čas toj bok maje prava abskardzić rašeńnie suda», — skazaŭ Raman Kiślak.
Jak paviedamlałasia raniej, 14 lipienia biełarus (jahonaje imia nie ahałošvajecca ź mierkavańniaŭ biaśpieki) źviarnuŭsia ŭ mihracyjnuju słužbu z prośbaj ab palityčnym prytułku. Spačatku jaho zajavu pryniali, ale potym viarnuli, a samoha mužčynu zatrymali i źmiaścili ŭ izalatar.
Pryčynaj zatrymańnia stała toje, što jaho pašpart praterminavaŭsia jašče ŭ 2020 hodzie, i jon nie pakidaŭ krainu, kab abnavić termin znachodžańnia (vizaran). Pamianiać pašpart praź biełaruskuju ambasadu jon bajaŭsia z-za ryzyki pieraśledu.
Pavodle dziaŭčyny zatrymanaha, jaho pačali šukać biełaruskija siłaviki z-za repostaŭ z «ekstremisckich» resursaŭ. U Hruzii jon žyvie z 2016 hoda, a da 2020-ha jašče jeździŭ u Biełaruś.
15 lipienia sud vyrašyŭ źmiaścić jaho pad trochmiesiačny aryšt. Ale paśla atrymałasia aficyjna padać i zarehistravać zajavu na prytułak, a zhodna z hruzinskim zakanadaŭstvam u takoj situacyi sud musiŭ paćvierdzić jaho status jak prośbita prytułku.
Pravaabaronca paviedamiŭ, što mužčynu pryvieźli na pasiadžeńnie suda, a jaho intaresy abaraniali dva najmanyja advakaty.
Čytajcie taksama:
U biełarusa, aryštavanaha ŭ Hruzii, pryniali zajavu na palityčny prytułak
Zatrymanaha ŭ Hruzii biełarusa aryštavali na try miesiacy
U Hruzii zatrymali biełarusa, jaki pryjšoŭ padać zajavu na prytułak