«Nioman» vyjšaŭ u nastupny raŭnd, a bresckaje «Dynama» vylecieła

Śledam za «Tarpieda-BiełAZ» u druhi raŭnd kvalifikacyi Lihi kanfierencyj vyjšaŭ «Nioman». A bresckaje «Dynama» pakidaje jeŭrakubki.

Football.by

Haradziency siońnia ŭ Vienhryi razhramili armianski «Urartu» ź likam 4:0 (u pieršym matčy jany pieramahli 2:1).

U druhim raŭndzie kvalifikacyi «Nioman» zhulaje sa słavackim «Košyce».

Bresckaje «Dynama» nie zdoleła ŭtrymać pieravahu pieršaj hulni, sastupiŭšy siońnia čarnahorskaj «Sućjescy» — 0:2 (u pieršym matčy biełarusy pieramahli 2:1).

U druhim raŭndzie Lihi kanfierencyj vystupić i minskaje «Dynama» paśla vyletu z kvalifikacyi Lihi čempijonaŭ. Supiernikam minčan budzie ałbanskaja «Ehnacija».

«Tarpieda-BiełAZ» zhulaje ŭ druhim raŭndzie z «Makabi» z Chajfy.

Matčy stadyi projduć 24 i 31 lipienia.

U minułym hodzie minskaje «Dynama» dabrałasia da asnoŭnaj stadyi Lihi kanfierencyj, to-bok pieraadoleła čatyry raŭndy.

Kamientary da artykuła