Kiroŭca turystyčnaha aŭtobusa papaŭsia na miažy z aŭtazapčastkami

Na litoŭska-biełaruskaj miažy mytniki padčas pravierki turystyčnaha aŭtobusa vyśvietlili, što jahony kiroŭca nielehalna viazie vialikuju partyju aŭtazapčastak.

49-hadovy biełarus, jaki jechaŭ ź Litvy praz punkt propusku «Kamienny Łoh», śćviardžaŭ, što ničoha zabaronienaha ŭ jaho niama i dekłaracyju zapaŭniać nie treba.

Ale padčas pravierki mytniki znajšli ŭ jaho nie tolki asabistyja rečy, ale i hidramatory, vały, šplinty, amartyzatary i inšyja aŭtamabilnyja detali — na sumu bolš za 23 tysiačy rubloŭ. Častka znojdzienaha — mietaličnyja šajby i ŭtułki.

Ciapier kiroŭcu pahražaje štraf bolš za 2 tysiačy rubloŭ za sprobu niezakonnaha ŭvozu tavaraŭ u vialikaj kolkaści biez dekłaracyi. Hrodzienskaja mytnia ŭžo pačała administracyjnuju spravu.

Kamientary da artykuła