«Biełavija» pačnie lotać na papularny kitajski kurort

Avijakampanija «Biełavija» abviaściła pra zapusk novaha pramoha avijarejsa ź Minska na vostraŭ Chajnań u Kitai — kurort, raźmieščany kala bierahoŭ Paŭdniova-Kitajskaha mora. Pieršy rejs pa maršrucie Minsk — Sańja zapłanavany na 8 kastryčnika 2025 hoda.

Kurort Chajnania. Fota: Wikimedia Commons

Pavodle infarmacyi pres-słužby pieravozčyka, paloty buduć vykonvacca raz na tydzień, pa sieradach, vialikim samalotam Airbus A330-200.

Sańja — adzin z samych viadomych kurortaŭ Kitaja z trapičnym klimatam i piasčanymi plažami.

Čas vyletu ź Minska — 04:40, prybyćcio ŭ aeraport «Fieniks» u Sańji — 20:00 pa miascovym časie. U zvarotnym kirunku samalot vylataje a 22:00 i pryziamlajecca ŭ Minsku ŭ 04:20 ranicy nastupnaha dnia. Roźnica pamiž časam u Minsku i Sańji — +5 hadzin.

Prodaž kvitkoŭ užo adkryty. Cana kvitka ŭ adzin bok ciapier pačynajecca ad 1324,5 rubla, a tudy-nazad — ad 2162,3 rubla.

Kamientary da artykuła