Polku zatrymali ŭ Hdańsku za abrazu biełaruski
U Hdańsku 58-hadovuju polku abvinavačvajuć u abrazie biełaruski pa nacyjanalnaj prykmiecie, piša Reform.news.
U niadzielu palicyi paviedamili pra kanflikt u kamiery zachoŭvańnia na čyhunačnym vakzale ŭ Hdańsku. Jak ustanavili palicyjanty, 58-hadovaja žycharka Varšavy pryjechała ŭ Hdańsk ź siabroŭkami i pakinuła sumki ŭ kamiery zachoŭvańnia. Kali jana viarnułasia pa rečy, to pradjaviła tolki adzin z dvuch žetonaŭ.
Supracoŭnica kamiery zachoŭvańnia, hramadzianka Biełarusi, admoviłasia vydavać druhuju sumku biez žetona abo čeka. Turystka pačała pavodzić siabie ahresiŭna i kryčać, a zatym adšturchnuła supracoŭnicu, abraziła jaje pa nacyjanalnaj prykmiecie i ŭvajšła ŭ słužbovuju zonu kamiery zachoŭvańnia.
Žančynu zatrymali. Joj pradjaŭleny abvinavačańni ŭ abrazie hramadzianki Biełarusi z pryčyny jaje nacyjanalnaj prynaležnaści. Za heta złačynstva pahražaje da 3 hadoŭ pazbaŭleńnia voli.