Minpracy zapuściła čat-bot dla paviedamleńniaŭ pra zatrymki zarobkaŭ

Ministerstva pracy i sacyjalnaj abarony zapuściła novy čat-bot u telehramie dla tych biełarusaŭ, kamu zatrymlivajuć zarpłatu abo sacyjalnyja vypłaty. Ciapier paviedamić pra takuju prablemu možna niekalkimi klikami, paviedamlaje pres-słužba viedamstva.

U čat-bocie pad nazvaj pszbyBot karystalnik vybiraje svaju prablemu, uvodzić asabistyja danyja, infarmacyju pra pracadaŭcu i pieryjad, za jaki nie vypłacili hrošy.

Adkaz ad śpiecyjalista ministerstva abiacajuć prysłać nie paźniej za nastupny pracoŭny dzień. Jon udakładnić infarmacyju i daść instrukcyi, što rabić dalej.

Taksama paviedamlajecca, što paśla abnaŭleńnia sajta Minpracy źjaviłasia mahčymaść biaspłatna karystacca roznymi pasłuhami, u tym liku i hetym novym instrumientam.

Kamientary da artykuła