Aŭtobus Minsk — Vilnia źjechaŭ u kiuviet u Vałožynskim rajonie
Zdareńnie adbyłosia ranicaj u sieradu kala 7:00 na darozie M6, paviedamlaje SK.
U rajonie vioski Michałova aŭtobus źjechaŭ u kiuviet pa chodzie ruchu.
U sałonie znachodziŭsia 51 pasažyr.
U vyniku DTZ adzin z pasažyraŭ atrymaŭ traŭmy i byŭ dastaŭleny ŭ balnicu. Astatnija pasažyry nie paciarpieli.
Na miescy zdareńnia pracuje śledča-apieratyŭnaja hrupa. Pavodle papiaredniaj viersii, pryčynaj avaryi mahła stać stomlenaść 52-hadovaha kiroŭcy.