U ZŠA čałaviek pamior ad pnieŭmaničnaj čumy

U amierykanskim štacie Aryzona zafiksavany vypadak śmierci čałavieka ad pnieŭmaničnaj čumy, paviedamlaje Bi-bi-si sa spasyłkaj na miascovyja ŭłady. Heta pieršy śmiarotny vypadak hetaha zachvorvańnia ŭ akruzie Kakanina za apošnija 17 hadoŭ.

Zdymak ilustracyjny. Fota: Unsplash

Pryčyny zaražeńnia pakul nieviadomyja, ale ŭ 2007 hodzie padobny vypadak byŭ źviazany z kantaktam ź miortvaj žyviolinaj, infikavanaj čumoj.

Pnieŭmaničnaja čuma — redkaja, ale vielmi niebiaśpiečnaja forma chvaroby, jakuju vyklikaje bakteryja Yersinia pestis. U adroźnieńnie ad bolš raspaŭsiudžanaj bubonnaj formy, jakaja pieradajecca praz ukusy zaražanych błoch, pnieŭmaničnaja čuma paražaje lohkija i moža pieradavacca pavietrana-kropielnym šlacham ad čałavieka da čałavieka. Heta samaja ciažkaja forma zachvorvańnia.

U departamiencie achovy zdaroŭja akruhi adznačyli, što ahulnaja ryzyka dla nasielnictva nizkaja. Ułady vykazali spačuvańni rodnym niabožčyka i padkreślili, što z pavahi da pryvatnaści siamji padrabiaznaści raskryvacca nie buduć.

Pavodle danych Bi-bi-si, simptomy čumy zvyčajna źjaŭlajucca praz 2—8 dzion paśla zaražeńnia i ŭklučajuć vysokuju tempieraturu, dryžyki, hałaŭny bol, słabaść i zapalenyja limfatyčnyja vuzły. Pry pnieŭmaničnaj formie dadajucca kašal, bol u hrudziach i ciažkaści z dychańniem.

Kamientary da artykuła