BIEŁ Ł RUS

Biełarusaŭ padzialaje nie tolki zhuščonka. Hurt Leibonik vypuściŭ pieśniu pra inšyja žyćciovyja dylemy

12.07.2025 / 16:23

Nashaniva.com

«U nas nie budzie viasiella i pajezdki ŭ Bałharyju, bo ja lublu «Lidskaje», a ty «Alivaryju».

Kadr z klipa LAVIS

Hurt Leibonik prezientavaŭ pieśniu pra kachańnie LAVIS (abyhrany vyraz Love is).

«Heta pieśnia pra Hłybokaje, Dabro i karpuskularna-chvalevy dualizm. Chacia što tut tłumačyć, sami ŭsio pasłuchajecie.

Heta jašče adna pieśnia pra kachańnie. Taki ŭžo monamif. Taki šlach hieroja», — napisaŭ u sacsietkach lidar hurta Siarhiej Bašłykievič.

U pieśni z humaram abyhrany biełaruskija dylemy. Naprykład, jość takija radki:

«Ty zamoviła piva, i jak hrom siarod nieba
Ja zrazumieŭ: ty nie toje što treba,
U nas nie budzie viasiella i pajezdki ŭ Bałharyju,
Bo ja lublu «Lidskaje», a ty «Alivaryju».

I, kaniečnie, nie abyšłosia bieź viečnaj sprečki biełarusaŭ pra zhuščonku — hłybockaja ci rahačoŭskaja.

«Napišu apaviadańnie najsumniejšaje na śviecie,
Dzie z Hłybokaha Manteki — z Rahačova Kapulećci».

Čytajcie taksama:

Hurt Leibonik vypuściŭ žyćciovuju pieśniu — pra vypuskny

Hurt Leibonik vypuściŭ novuju pieśniu, pryśviečanuju zahinułym patryjotam

«Dzie kot, tam i dom». Śpiavak Bašłykievič — pra žyćcio ŭ Amsterdamie, novy albom i biełaruskuju satjahrachu

Kamientary da artykuła