Były forvard zbornaj Biełarusi Viačasłaŭ Hleb staŭ baćkam
Jaho žonka — papularnaja błohierka i biznesvumien Volha Hleb — raskazała pra naradžeńnie syna.
Fota: olgahleb, ann_nyutaa / Instagram
Błohierka Volha Hleb padzialiłasia ŭ instahramie, što jany z mužam Viačasłavam Hlebam stali baćkami. Heta ich pieršyniec.
«I heta było nastolki vydatna, što ja da hetaha času ŭ zachapleńni ad usiaho, što adbyłosia sa mnoj za hetyja 9 miesiacaŭ…! Mały nie staŭ upisvacca ni ŭ jakija płany i abraŭ mienavita hety cudoŭny dzień», — napisała Volha.
Syn naradziŭsia 10 lipienia ŭ 6-j minskaj radzilni.
Volha Hleb — biznesvumien i stvaralnica brendu adzieńnia Moshe. U adnym ź intervju jana kazała, što zarablaje bolš za muža. U jaje błoha ŭ instahramie 125 tysiač padpisčykaŭ.
Viačasłaŭ Hleb — eks-forvard zbornaj Biełarusi, viadomy biełaruski futbalist. Ciapier Hleb pracuje junackim trenieram.