Z pačatku hoda ŭ Biełarusi patanuli 136 čałaviek
Z pačatku 2025 hoda ŭ Biełarusi patanuli ŭžo 136 čałaviek, siarod jakich — 10 dziaciej. Pra heta paviedamiŭ padčas pres-kanfierencyi načalnik Centra ŭzajemadziejańnia z hramadskaściu i ŚMI MNS Maksim Kłačko.
Čynoŭnik padkreśliŭ, što kupacca varta tolki ŭ śpiecyjalna abstalavanych miescach, jakija prajšli pravierku śpiecyjalistaŭ — takich miescaŭ u krainie ciapier 494. Pavodle jaho słoŭ, 99% vypadkaŭ utapleńnia adbyvajucca mienavita tam, dzie niama naležnych umoŭ dla biaśpiečnaha adpačynku.
Taksama Kłačko paviedamiŭ, što z pačatku hoda na pažarach zahinuli 324 čałavieki, u tym liku 4 dziaciej. Dla paraŭnańnia — letaś za toj ža pieryjad zahinuli 283 čałavieki.
Jon źviarnuŭ uvahu, što darosłyja pavinny być prykładam dla dziaciej i sačyć za imi, bo ŭ bolšaści vypadkaŭ niaščasnyja vypadki ź dziećmi adbyvajucca mienavita z-za niedahladu z boku darosłych.
Čytajcie taksama:
U Dźvinie pad Viciebskam patanuŭ 10-hadovy chłopčyk
Za vialikija vychodnyja patanuli 12 čałaviek, 14 čałaviek vyratavali
U Rečyckim rajonie patanuŭ 12-hadovy chłopčyk