Śviatłana Cichanoŭskaja prybyła ŭ Charvatyju dla ŭdziełu ŭ Dubroŭnickim forumie
Na zaprašeńnie ministra zamiežnych spraŭ Charvatyi Hordana Hrliča-Radmana biełaruskaja demakratyčnaja lidarka Śviatłana Cichanoŭskaja prybyła ŭ hetuju krainu, kab uziać udzieł u Dubroŭnickim forumie.
Śviatłana Cichanoŭskaja i śpikier parłamienta Charvatyi Hordan Jandrakavič. Fota: x.com/Tsihanouskaya
Arhanizataram Dubroŭnickaha foruma źjaŭlajecca Ministerstva zamiežnych i jeŭrapiejskich spraŭ Charvatyi. Mierapryjemstva prachodzić z 2006 hoda (pieršapačatkova nazyvałasia Charvacki samit i Charvacki forum) u charvackim horadzie Dubroŭnik.
Sioletni forum prachodzić 11—12 lipienia. Cichanoŭskaja voźmie ŭdzieł u paneli «SOS: Zachodnija kaštoŭnaści ŭ kryzisie?»
Ahułam u dvuchdzionnaj prahramie Dubroŭnickaha forumu zapłanavana 16 panelnych dyskusij pa šyrokim kole tem, uklučajučy hieapalityčnyja vykliki i handlovyja stasunki pamiž kantynientami, havorycca na sajcie mierapryjemstva.
Cichanoŭskaja napisała 11 lipienia na svajoj staroncy ŭ sacyjalnaj sietcy Ch, što ŭ ramkach vizitu sustreniecca z charvackim premjer-ministram Andrejem Plenkavičam i śpikieram parłamienta Hordanam Jandrakavičam.
26 studzienia 2023 hoda Cichanoŭskaja ŭžo sustrakałasia ź Plenkavičam i Hrličam-Radmanam. Tady baki abmiarkoŭvali pašyreńnie sankcyj suprać aficyjnaha Minska, padtrymku demakratyčnych sił i dyjaspary.
Čytajcie taksama:
«My pracujem, kab vyzvaleńni stali sistemnymi, a nie sparadyčnymi». Viačorka adkazaŭ Kraŭcovu
Prezident Hiermanii sustreŭsia ź Cichanoŭskimi i zaklikaŭ vyzvalić palitviaźniaŭ u Biełarusi
Cichanoŭskaja — Trampu: Łukašenku treba pakarać, a nie zaachvočvać